mera din to youn’hi guzar gya
junhi shaam hoi mai bikhar gya

is abar ka meray yaar say
bara milta julta mzaaj hai

kabi toot kar baras gya
kabi bayrukhi mai guzar gya

jab mai chor dounga wo gali
usay yaad aaye gi tab meri

khojay gi wo tab mujhay
usay khabar milay gi mai mar gya

abhi tung hai wo meray naam say
meray baad aaye gi wo dosto

wo tumhi ko rok kay poochay gi
wo kahan pay hai … wo kidhar gya

koi ajeeb musawwar tha jo barishou kay mausam main
kachi deewar pr bana gya hum ko

mai bhi khush houn, ja kar koi kah day us say
agar wo khush hai, mujhay baiqraar kartay hoye

mai muskrata hoa aainay mai ubhroun ga
wo ro paray gi achanak singhar kartay hoye

tumhain khabar hi nahi koi toot gya
muhabbatou ko pai’daar kartay hoye

wo kah rahi thi samander nahi aankhain
mai ab doob gya, *NAVEED* aitbaar kartay hoye

mujhay, tamheed do koi
mujhay, umeed do koi …

naya ik lafz do koi, jahaz baat chal niklay
meri mushkil ka hul niklay

btao lehja kaisa ho, k tum say baat karni hai
mujhay thora ujala do, basar ik raat karni hai

tum apni roshan aankhou ko
agar kholo to mai likhou

kaho ab kya irada hai
mujhay izhar krna hai ..

k betabi zyada hai
kaho … ab … kya … kahoun … tum … say … !!!

apni yadoun ko qafs lga ker meray seenay main
muskra ker meri yaad lota di usnay

dunya kay samander ka mujh ko pyasa kar kay
paani ko hi aag laga di usnay

qasoor waar na theh’raya kisi ko tab bhi
mujhay umer bhar ki qaid suna di us nay

har saans mai chubhan piro ker meri
ik lambi umer ki dua di usnay

pehlay ik lamhay ki zanjir say bandha mujko
phir … waqt ki raftar barha di usnay

main bohat dino say udas houn
mujhay koi sham udhar do

kisi aur ko mere haal say na gharz hai na koi wasta
mai bikhar gaya houn samait lo … mai bigar gya houn … sanwar do

meri weh’shtoun ko barha diya hai … judayoun k azaab nay
mere dil pe haath rakho zara … meri dhadkanou ko qarar do

wahan ghar mai kon hai muntazir ke ho fikar dair sawari ki
bari mukhtasir si ye raat hai … chandni mai guzar do

tairay hont hasna bhol jayen
tairi ankh purnam raha kray

tu us ki batain kiya karay
tu us ki batain suna karay

usay dekh kar to ro paray
wo nazar jhuka kar chala karay

tujhay hijr ki jherain lagain
tu milnay ki har pal dowa karay

teray khawab bikhrain toot kar
tu kirchi kirchi chuna karay

tu gali gali sada karay
phir main kahon ishq dhong hai

Tu nahin nahin kiya karay..

barha k pyass meri us ne hath choor diya ..
wo ker raha tha murawat bhi dillagi ki tarn..

sitam tu ye ha k wo bhi na ban saka apna ..
kabool hum ne kiya jis k gham, khusi ki tarhn

Apni yadooun sey kah do itna na aaya karain
Neend aati nahi, raat guzar jati hai …